رشتة بعدس
تعتبر من الأكلات الشامية العريقة والقديمة جدا وتعتبر من الشوربات أو لأكلة الرئيسية الصحية والمفيدة .
وهي بسيطة و سهلة التحضير
لها اسماء عديدة حسب المدينة او القرية :
منها رشتاية العدس او الحبوبية او مخلوطة العدس
مقادير الوصفة :
500غ كيس معكرونة أي نوع ( رقائق حلزوني طويلة )
أو عجينة: (طحين ومي وملح نقوم بعجنها مع بعضها لتصبح لزجة ثم نتركها مدة نص ساعة و نفردا ونقطعا شرائط طويلة للعجينة )
2معلقة سمنة أو زيت زيتون مقدار ربع كوب
بصلة كبيرة مفرومة ناعم
1م ص بهار حلبي مشكل
1 -1/2 م ص ملح أو حسب الرغبة
عدس بني حب كاسة كبيرة
توم وكزبرة خضرة حسب الرغبة
عصير ليمون حسب الرغبة
رشة فلفل أسود
طريقة التحضير :
بنسلق العدس ليستوي
بنسلق المعكرونة لتستوي
بنضيف المعكرونة عالعدس المسلوق
بنضيف ملح وبهار حلبي وفلفل أسود
بنقلي البصل بزيت او سمنة ليدبل ويشقر شوي
بضيف البصل مع الزيت على العدس والمعكرونة
بخليهن يغلو كم غلوة
وكمية السائل بنضيفو حسب الرغبة كمان
وآخر شي بنضيف عصير الليمون وتقلاية التوم والكزبرة وبنطفي تحتا وصحتين وهنا بتتقدم مع ليمون وخضرة مشكلة فليفلة خيار بقدونس
او لبن عيران
ملاحظة :
هناك أكلة شامية اخرى أسمها
( ستي زبقي) بتنعمل بنفس الطريقة بس زيادة اننا نضيف لحمة ناعمة
بتتقلى مع البصلة اليها
وصحتين وألف هنا.
ان وصفة رشتة العدس بالاساس أصل الوصفة بالعجين ليست بالمعكرونة
ولكن تدرجت العادات حسب كل بلدة او ضيعة او مدينة وطريقة صنعها واسمها ايضا .
Views: 2
