وصفات طعام

طريقة تحضير بسكويت الكاستر في المنزل

طريقة تحضير بسكويت الكاسترد

يعتبر الكاسترد أحد أنواع الحلويات التي لا تحتاج إلى وقت طويل في تحضيرها، وتمتاز بأنه يمكن تقديمها ساخنةً أو باردةً، كما يمكن للأطفال الرضّع تناولها لسهولة بلعها، وتدخل في إعداد العديد من الحلويات الباردة، سنقدم طريقة تحضير بسكويت الكاسترد .

المقادير 

  • كوب ونص دقيق
  • نص كوب بودره كسترد
  • نص كوب سكر بودره
  • تلات اربع كوب زبده تقريبا ١٦٥ جرام
  • فانيليا
  • نص معلقه صغيره بيكنج بودر
  • رشه ملح
  • للحشو كريمه زبده جاهزه
  • لو حابين تعملوها فى البيت
  • نص كوب زبده
  • تلات اربع كوب سكر بودره
  • معلقه كبيره حليب
  • فانيليا

طريقة التحضير 

  •  نضرب السكر والزبده والفانيليا حتى تصبح مثل الكريمه المخفوقه
  •  نخلط المكونات الجافه مع بعض ونضيفها على دفعات وهنا بنلم العجينه فقط بدون عجن
  • لو العجينه ملزمه بزياده بنزول معلقه دقيق ونلم ونشوف لو محتاجه تانى نزود معلقه
  •  ولو العجينه ناشفه بنزول معلقه حليب ساقع
  •  نتركه يرتاح فى التلاجه لنص ساعه ثم نعمل كور صغيره ونرسها على ورق خبز مابينها مسافات ونشكلها بالشوكه اى اشكال حسب الرغبه
  •  او نفردها على كيس بلاستيك ونقطعها بقطاعات تشكيل البسكوت دى بتكون موجوده فى محلات الادوات المنزليه او عند محلات بيع مستلزمات الحلوانى
  •  بيدخل الفرن الساخن على ١٧٠ او ١٦٠ لو الفرن بتاعك حامى وبياخد من ١٠ ل ١٢ دقيقه حسب فرنك
  • بنسيبه يبرد ونحشى بين كل اتنين بكريمه الزبده
  •  كريمه الزبده بنخفق الزبده بالمضرب الكهرباء مع الفانيليا لحد ما تاخد قوام كريمه نبدا نضيف السكر البودره ومعلقه الحليب مع استمرار الخفق لحد ما ناخد قوام الكريمه المخفوقه الابيض ممكن نحتاج لكميه اضافيه من السكر البودره او لو القوام بتاعها سميك بزياده بنزود معلقه حليب

Visits: 0

شاركنا رأيك بما رأيت